आहे रक्तांत उजाळा । सूक्ष्मदर्शी चष्मा डोळां;

आहे रक्तांत उजाळा । सूक्ष्मदर्शी चष्मा डोळां;
नाही बुद्धीचा पांगळा | मानव मी ॥

पंगू लंघे हिमगिरी । नाव चाले जलोदरी;
जीव पैशाला पासरी । अणु-युगीं ॥

जये केली ऐशी कृपा । नांव माधवाचें जपा,
म्हणा, ' तमहं वंदे' पां । ब्रह्मानंदा ॥

स्वार्थ बोले ओठींओठीं । सत्ता बैसे पैशापाठीं;
येरागबाळांच्या गाठीं । अर्धपोट ॥

फिर्वा फिर्वा रे दांडी । आणि मारा ही गचांडी
‘वंदे तमहम्' ब्रह्मांडीं । बरा नाद ॥