"पोपटपंची चतुर्कि जान्
पढो पार्वती शिरि भगवान्."
होता होतां राहुन गेले
तारुण्यांतिल दाणे मोती;
जगतां जगतां मरून गेले
बागुलबोवे शेतावरती.
"पोपटपंची चतुर्कि जान्
पढो पार्वती शिरि भगवान्."
वडारणीच्या मुलें लागली
पाठंगुळिला दिवसाढवळ्या;
खुज्या मनांतिल रुळांवरती
वळवळती कृमि आणिक आळ्या !
"पोपटपंची चतुर्कि जान्
पढो पार्वती शिरि भगवान्."
उंबरठ्यावर पिवळा हत्ती
भरला चिंध्यांनी अलबेला
पिंगटलेले सताड भोंदू
त्यास दाविती दोंद-तबेला
"पोपटपंची चतुर्कि जान्
पढो पार्वती शिरि भगवान्."
वडारणीचा बागुलबोवा
जुळवित बसला पिंगट हत्ती
येतां येतां ठिपकत आळ्या
रचीत बसल्या दोंद-प्रशस्ती
"पोपटपंची चतुर्कि जान्
पढो पार्वती शिरि भगवान्."